-
Department of Export Agriculture
Ministry of Agriculture, Livestock, Land and Irrigation
හැදින්වීම
අපනයන කෘෂිකර්ම දෙපාර්තමේන්තුවේ පර්යේෂණ අංශය සතු ප්‍රධාන කාර්යභාරය වනුවේ අපනයන කෘෂි බෝග වල නිෂ්පාදනය, පලදායිතාවය සහ ගුණාත්මය ඉහල නැංවීමට අවශ්‍ය නව දැනුම සහ තාක්ෂනය උත්පාදනය කිරිම්ට පර්යේෂණ සහ සංවර්ධන වැඩසටහන් සැලසුම් කිරීම සහ ක්‍රියාත්මක කිරීමයි. සියලු පර්යේෂණ සැලසුම් කර ක්‍රියාත්මක කිරීම විෂය පථය , අපනයන බෝගය සහ වගා ක්‍රම ආදිය පදනම් කරගෙන සිදු කෙරෙන අතර ඒ සදහා මාතර , මාතලේ සහ නාරම්මල. ප්‍රධාන පර්යේෂණ මධ්‍යස්ථාන තුනක් සහ වල්පිට, දැල්පිටිය , නිල්ලඹ සහ කුණ්ඩසාලේ, උප පර්යේෂණ මධ්‍යස්ථාන 04 ක් පිහිටා ඇත. පර්යේෂණ මඟින් ලබාගන්නා නව දැනුම් සහ තාක්ෂනය දෙපර්තමෙන්තුවේ ව්‍යාප්ති අංශ හරහාත් අදාළ පර්යේශන.ආයතන හරහාත් සිදු කෙරෙනු ලැබේ.
පර්යේෂණ ස්ථාන සහ පර්යේෂණ අංශ
1. අපනයන කෘෂිකර්ම පර්යේෂණ මධ්‍යස්ථානය – මාතලේ
මාතලේ පිහිටි මධ්‍යම පර්යේෂණ ස්ථානය, අපනයන කෘෂිකර්ම දෙපර්තමෙන්තුවේ මුල්ම ප්‍රධාන පර්යේෂණ ස්ථානය වේ. මේ වනවිට විෂය පථය අනුව පර්යේෂණ අංශ 7 ක් ක්‍රියාත්මක වන අතර ඒ එක් එක් අංශය මඟින් ගම්මිරිස්, කරාඹු, සාදික්කා ,එනසාල් ,ගොරකා. කහ, ඉඟුරු ආදී කුළුබඩු බෝග, කෝපි . කොකෝවා, වැනිලා ආදී පානිය බෝග සහ හඳුනාගත් වෙනත් වාණිජ බෝග ගණනාවක් පිලිබඳ පර්යේෂණ සිදු කෙරේ. පර්යේෂණ ස්ථානය සතු ගොවිපල සහ වෙනත් අංශ මගින් ආයතනය මඟින් සිදුකෙරෙන විවිධ අමතර සේවාවන්ට දායකත්වය සැපයේ. අංශ
2. අතුරු වගා සහ බුලත් පර්යේෂණ මධ්‍යස්ථානය
අතුරු බෝග සහ බුලත් පර්යේෂණ මධ්‍යස්ථානය 1993 වර්ෂයේදී නාරම්මලදී ස්ථාපිත කරනු ලැබුවේ පොල් වගාව තුළ යටි වගාවක් ලෙස අපනයන කෘෂිකාර්මික බෝග අතුරු වගාව සඳහා වන පුරෝගාමී පර්යේෂණ මධ්‍යස්ථානය ලෙසය. පර්යේෂණ මධ්‍යස්ථානයේ මෙහෙවර වනුයේ බුලත් වගාවේ ප්‍රවර්ධනය උදෙසා පර්යේෂණ සහ සංවර්ධන වැඩසටහන් සැලසුම් කිරිම සහ ක්‍රියාත්මක කිරීම සහ පොල් වගාව යටතේ අපනයන කෘෂිකාර්මික බෝග අතුරු බෝග ලෙස වගා කිරිමේ ශක්‍යතා අධ්‍යයනය කිරිමය. පර්යේෂණ මධ්‍යස්ථානයේ මුළු පරිශ්‍රය අක්කර 64 නික් සමන්විත වන අතර, එයට කාර්යාල සංකීර්ණයක් , පර්යේෂණ භූමි සහ ගොවිපොළ ද ඇතුළත්ය. පර්යේෂණ හා සංවර්ධන ක්‍රියාකාරකම්වලට අමතරව පුහුණු කිරීම් සහ ශ්‍රී ලංකාවේ අපනයන කෘෂි බෝග අංශයේ ප්‍රවර්ධනය උදෙසා අපනයන කෘෂි බෝග වලට අදාල තොරතුරු සැපයිමද ඇතුළත් ව්‍යාප්ති සේවාවන්ද මධ්‍යස්ථානයෙන් සැපයේ. ප්‍රධාන පර්යේෂණ අංශ3. වල්පිට පටක රෝපණ විද්‍යාගාරය
1995 වසරේදී අපනයන කෘෂිකර්ම දෙපාර්තමේන්තුවේ ප්‍රධානතම පටක රෝපණ විද්‍යාගාරය වල්පිට පැළ තවාන ආශ්‍රිතව ආරම්භ කරන ලදී. අපනයන කෘෂි භෝගයන්හි පටක රෝපණ කටයුතු පිලිබඳ පර්යේෂණාත්මක නව සොයා ගැනීම් සිදු කිරීම, පටක රෝපණය පිලිබඳ පුහුණු වැඩසටහන් පැවැත්වීම, ශිෂ්‍යයින් හා ව්‍යවසායකයින් සදහා පුහුණු වැඩසටහන් පැවැත්වීම හා ඔවුන්ගේ පර්යේෂණ කටයුතු සදහා අවශ්‍ය පහසුකම් සැලසීමත්, අලෙවිය සදහා පටක රෝපිත පැළ නිකුත් කිරීමත් මෙම අංශයේ ප්‍රධාන කාර්යයන් වේ. කහ ඉඟුරු කරඳමුංගු වැනිලා වැනි අපනයන භෝග වල පටක රෝපණ ක්‍රමවේදය මේ වන විට සොයා ගෙන ඇති අතර එමඟින් පැළ නිෂ්පාදනයද සාර්ථකව සිදුකරගෙන යනුලබයි.4. මැදරට පර්යේෂණ මධ්‍යස්ථානය
දැල්පිටිය
1978 වර්ෂයේ දී ආරම්භ කරන ලද මෙම මධ්‍යස්ථානය ආරම්භයේ කුඩා විද්‍යාගාරයක් සහ දේශන ශාලාවකින් යුතු කාර්යාල ගොඩනැගිල්ලක් සහිතව පවත්වාගෙන ගොස් ඇත. එවකට ලෝක ආහාර හා කෘෂිකර්ම සංවිධානයේ විශේෂඥයන්ගේ දායකත්වය සහිතව ආරම්භ කරන ලද හෙක්ටරයාර 01 ක විශාලත්වයෙන් යුතු මිශ්‍ර වගා ආදර්ශනය (DELMIX MODEL) මෙම මධ්‍යස්ථානය වෙත ජාතික මෙන්ම ජාත්‍යන්තර අවධානය යොමු කරවීමට හේතු විය. ඇරබිකා සහ රොබස්ටා කෝපි ප්‍රභේද මෙන්ම නයිජීරියානු කොකෝවා ප්‍රභේද එකතුව ද ආරම්භක අවධියේම මෙම පර්යේෂණ මධ්‍යස්ථානය තුල ස්ථාපිත කරනු ලැබ ඇත. එසේම ලංකාවේ විවිධ ප්‍රදේශවලින් එක්රැස් කරන ලද කුරුඳු ජානප්ලාස්ම එකතුවක් ද මෙම මධ්‍යස්ථාන භූමිය තුල දක්නට ඇත. වසර 2000 දී මෙම පර්යේෂණ මධ්‍යස්ථානය සම්පූර්ණයෙන්ම කාබනික වගාව සඳහා වෙන්කරනු ලැබ ඇති අතර දැනට දෙපාර්තමේන්තුව සතු එකම කාබනික පර්යේෂණ ඒකකය වන්නේ ද මෙම මධ්‍යස්ථානයයි. මහනුවර, නුවරඑළිය සහ කෑගල්ල දිස්ත්‍රික්ක වල සිට පහසුවෙන් ලඟා විය හැකි ස්ථානයක පිහිටා ඇති මෙම මධ්‍යස්ථානය පසුකාලිනව කාබනික වගා ආදර්ශන සහිත උද්‍යානයක් සහ පුහුණු මධ්‍යස්ථානයක් ලෙස සංවර්ධනය කිරීම ආරම්භ කරනු ලැබ ඇති අතර ඒ යටතේ මෑත කාලය තුල ගව පාලන ඒකකයක් ද ආරම්භ කරනු ලැබ ඇත. අපනයන බෝගයන්හි වනදර්ශ රැසක එකතුවක් මෙම මධ්‍යස්ථාන භූමියේ වගා කර සංරක්ෂණය කරනු ලබන අතර වාර්ෂිකව ලංකාවේ විවිධ විශ්ව විද්‍යාලයන්හි කෘෂි වන වගාව සම්බන්ධ අධ්‍යයනයන් සිදුකරනු ලබන විද්‍යාර්ථින්ගේ හා සිසුන්ගේ ක්ෂේත්‍ර අධ්‍යයනයන් සඳහා ද මෙම මධ්‍යස්ථානය යොදාගනු ලබයි.1. උප පර්යේෂණ මධ්‍යස්ථානය, නිල්ලඹ
වාරියගල උප පර්යේෂණ ඒකකය වසා දැමීමෙන් පසුව ඊට ආසන්නයේම පිහිටි භුමිභාගයක මෙම මධ්‍යස්ථානය 1987 වසරේදී ආරම්භ කරන ලදී. 1976 වසරේ සිට කෘෂිකර්ම දෙපාර්තමේන්තුවට අයත් බීජ ගොවිපලක් වශයෙන් පැවති මෙම භූමිය කෘෂිකර්ම දෙපාර්තමේන්තුව වෙතින් පවරා ගැනීමෙන් අනතුරුව ඉතා සීමිත පහසුකම් යටතේ ෙමම පර්යේෂණ මධ්‍යස්ථානය ආරම්භ කරනු ලැබ ඇත. අක්කර 28 ක පමණ භූමි භාගයක් සහිත මෙම භූමිය තුල අපනයන කෘෂි බෝග සම්බන්ධ අනුවර්තිතා පර්යේෂණ සඳහා වැඩි ප්‍රමුඛතාවයක් ලබා දීම සිදුකර ඇති අතර ගම්මිරිස්, කුරුඳු සහ කෝපි වගාවන් සම්බන්ධ ක්ෂේත්‍ර පර්යේෂණ සඳහා වැඩි ඉඩකඩක් වෙන්කරනු ලැබ ඇත. පසුකාලීනව රෝපණ ද්‍රව්‍ය නිෂ්පාදනය වැඩි කිරීමේ අරමුණින් පැල තවාන් කටයුතු පුළුල් කරන ලද අතර වර්තමානය වන විට මහනුවර දිස්ත්‍රික්කයේ අපනයන බෝග රෝපණ ද්‍රව්‍ය නිෂ්පාදනයට ප්‍රමුඛ දායකත්වයක් සපයනු ලබයි2. උප පර්යේෂණ මධ්‍යස්ථානය කුණ්ඩසාලේ
1978 වසරේදී ආරම්භ වූ කුණ්ඩසාල උප පර්යේෂණ මධ්‍යස්ථානය අපනයන කෘෂි බෝග රැසකට හිතකර පාරිසරක තත්වයක් පවතින මැදරට අතරමැදි කෘෂි පාරසරික කලාපය තුල පිහිටා ඇති අතර, අක්කර 16 ක භුමි වපසරියක ව්‍යාප්තව පවතී. කෘෂිකර්ම දෙපාර්තමේන්තුවට අයත් කුණ්ඩසාල පාංශු පරිශීලන ඒකකය තුල මුලින්ම ආරම්භ වූ මෙම මධ්‍යස්ථානය පසු කලෙක අපනයන කෘෂිකර්ම දෙපාර්තමේන්තුව වෙත පවරා ගන්නා ලදී. බ්‍රිතාන්‍ය පාලන සමයේ සිටම මහනුවර කුණ්ඩසාලේ ප්‍රදේශය සාර්ථකව පැතුරුණු කොකෝවා වගාවක් සදහා ප්‍රසිද්ධව පැවති බැවින් පසුකලෙක කුණ්ඩසාල උප පර්යේෂණ මධ්‍යස්ථානයෙහි ඉහල අස්වනු විභවයක් සහිත නයිජිරියානු කොකෝවා මව් ශාක උද්‍යානයක් පිහිටුවන ලදී. අපනයන කෘෂිකාර්මික බෝග ප්‍රවර්ධනයෙහිලා පර්යේෂණ කටයුතු සිදු කිරීම උප පර්යේෂණ මධ්‍යස්ථානය පිහිටුවාලිමේ මුලික අභිමතාර්ථය වී ඇති අතර ප්‍රධාන වශයෙන් කොකෝවා, ඉඟුරු සහ කහ සම්බන්ධයෙන් විවිධ විෂය ක්ෂේත්‍රයන් තුල පර්යේෂණ සිදු කරයි. මීට අමතරව පර්යේෂණ මධ්‍යස්ථානය මගින් පවත්වාගන යනු ලබන පැල තවාන වර්තමානය වන විට මහනුවර දිස්ත්‍රික්කය තුල අපනයන කෘෂි බෝග ව්‍යාප්තිය සඳහා ප්‍රධාන දායකත්වයක් දරයි.අපනයන කෘෂිකර්ම දෙපාර්තමේන්තුවේ පර්යේෂණ අංශය ආරම්භ කිරීමට සමගාමීවම ආරම්භ කර ඇති ආර්ථික පර්යේෂණ අංශය දෙපාර්තමේන්තුවේ වර්තමාන ප්‍රධාන කාර්යාල පරිශ්‍රය තුල ස්ථාපිත කර ඇත. අපනයන කෘෂි බෝගයන්හි සමාජ ආර්ථික අංශයන් පිළිබඳ අධ්‍යයන පැවැත්වීම හා ඒ මගින් ගැටලු හඳුනාගෙන ඵලදායි විසඳුම් ලබාදීම මෙම අංශයෙහි මූලික කාර්යභාරය වේ. මිට අමතරව මෙම අංශය මගින් ලබාදෙනු ලබන ප්‍රධානතම සේවාවන් පහත පරිදි වේ.
Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.
